Շոտլանդացիների ազատ կամարտահայտությունը ժողովուրդների ինքնորոշման իրացման դրսևորում է
10:15, 19 Սեպտեմբեր 2014
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ արտգործնախարար Էդվարդ Նալբանդյանը պատասխանել է Շոտլանդիայում անցկացված հանրաքվեի վերաբերյալ Tert.am լրատվական կայքի հարցին: Ինչպես «Արմենպրես»-ին տեղեկացրին ՀՀ արտգործնախարարության մամուլի, տեղեկատվության եւ հասարակայնության հետ կապի վարչությունից, պատասխանելով «Ինչպե՞ս կմեկնաբանեք Շոտլանդիայում կայացած հանրաքվեն» հարցին` ՀՀ արտգործնախարարը նշել է.
«Անկախ հանրաքվեի արդյունքներից, շոտլանդացիների ազատ կամարտահայտությունը հանդիսանում է ժողովուրդների իրավահավասարության և ինքնորոշման սկզբունքի իրացման դրսևորում: Որևէ երկրում, որտեղ հարգվում են մարդու իրավունքներն ու ժողովրդավարական ազատությունները չի կարող չհարգվել ժողովուրդների ինքնորոշման իրավունքի սկզբունքը»։
Բաժանորդագրվեք մեր ալիքին Telegram-ում