Հայ սամբիստները պատրաստ են մեկնել Բաքու. Լեւոն Հայրապետյան
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Սամբոյի Հայաստանի հավաքականը պատրաստ Է մեկնել Բաքու` մասնակցելու 2015-ին այս քաղաքում կայանալիք Եվրոպական առաջին օլիմպիական խաղերին:
Այս մասին «Արմենպրես»-ին հայտնեց Հայաստանի սամբոյի ֆեդերացիայի նախագահ Լեւոն Հայրապետյանը:
«Մեր համար կարեւորը մրցումներում լավ հանդես գալն Է եւ ոչ թե մրցման անցկացման վայրը, եւ քանի որ սպորտի միջազգային կառույցները որոշել են այս խաղերն անցկացնել Բաքվում, ապա մեր նպատակն Է մասնակցել այս մրցումներին եւ հաղթանակներ տոնել»,- ասել Է Հայրապետյանը:
Նա ընդգծեց, որ 2015 թվականի Եվրոպական օլիմպիական խաղերին հայ մարզիկների մասնակցելու հարցը դեռ վերջնականապես որոշված չԷ, եւ Հայաստանի համապատասխան կառույցները պետք Է այս հարցի վերաբերյալ իրենց որոշումն ընդունեն: Բայց քանի որ Միջազգային ու Եվրոպական օլիմպիական կոմիտեները շահագռգռված են բոլոր մարզիկների մասնակցության մեջ, ապա նրանց անվտանգությունը Բաքվում պետք Է լիովին երաշխավորված լինի:
Բաժանորդագրվեք մեր ալիքին Telegram-ում