Պորոշենկոն ԱՄՆ-ին կոչ է արել ռազմական օգնություն տրամադրել Ուկրաինային
21:27, 18 Սեպտեմբեր 2014
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Ուկրաինայի Նախագահ Պյոտր Պորոշենկոն ԱՄն-ին կոչ է արել Ուկրաինային ռազմական օգնություն տրամարդել: Ինչպես հաղորդում է «Արմենպրես»-ը՝ վկայակոչելով ԻՏԱՌ ՏԱՍ-ը, այս մասին Ուկրաինայի Նախագահը հայտարարել է՝ ելույթ ունենալով ԱՄՆ Կոնգրեսի երկու պալատների համատեղ նիստի ընթացքում, որին նա հրավիրվել է ամերիկացի օրենսդիրների կողմից:
«Մեզ շտապ ռազմական օգնություն է անհրաժեշտ: Ես ԱՄՆ-ին կոչ եմ անում Ուկրաինային անվտանգության ոլորտում հատուկ կարգավիճակ տալ, որը կենթադրի ոչ ՆԱՏՕ-ի անդամ երկրի հետ համագործակցության ամենաբարձր մակարդակը»,- հայտարարել է Պորոշենկոն:
Նա նաև ԱՄՆ-ին կոչ է արել պահպանել պատժամիջոցների եղանակով Ռուսաստանի վրա գործադրվող ճնշումը:
Բաժանորդագրվեք մեր ալիքին Telegram-ում