Բերեզովսկին չի հայտավորվել «Պանատինաիկոս»-«Դինամո» խաղին
20:20, 18 Սեպտեմբեր 2014
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի դարպասապահ Ռոման Բերեզովսկին չի ընդրգրկվել Եվրոպայի լիգայի խմբային փուլի հունական «Պանատինաիկոս»-ի հետ խաղին Մոսկվայի «Դինամո»-ի հայտացուցակում: Ինչպես փոխանցում է «Արմենպրես»-ը` Երևանի ժամանակով 21: 00-ին մեկնարկելիք խաղում դինամոյականների հիմնական կազմում է ընդգրկվել Վլադիմիր Գաբուլովը, իսկ պահեստային դարպասապահն է Անտոն Շունինը:
Վերջին խաղերում Բերեզովսկին մշտապես տեղ էր գտնում «Դինամո»-ի մեկնարկային կազմում, քանի որ հիմնական դարպասապահ համարվող Գաբուլովը թույլ էր տվել մի շարք սխալներ:
Բաժանորդագրվեք մեր ալիքին Telegram-ում