ԱՄՆ-ը հայտարարել է օդաչուավոր թռիչքների ծրագրին վերադառնալու մասին
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: NASA-ն Boeing եւ SpaceX ընկերություններին է ընտրել բազմակի օգտագործման օդաչուավոր տիեզերանավերի կառուցման նպատակով բազմամիլիարդանոց պարտավորագրի կնքման համար: Այդ մասին, ինչպես տեղեկացնում է «Արմենպրես»-ը, լրագրողներին հայտնել է NASA-ի ղեկավար, ԱՄՆ-ի ծովային հետեւակի պաշտոնաթող գեներալ-մայոր Չառլզ Բոլդենը: Բոլդենի ու նրա գործընկերների ելույթների առանձին հատվածներ հասանելի են Twitter-ի միկրոբլոգների ցանցում:
Արդեն մինչեւ 2017 թվականը աստղանավորդները Միջազգային տիեզերակայան կուղեւորվեն բացառապես ԱՄՆ-ի տարածքից, առանց ռուսական կողմի օգնության:
SpaceX եւ Boeing մասնավոր ընկերությունները ներկայացրել են իրենց տիեզերանավերի՝ համապատասխանաբար Dragon SpaceX եւ CST-100 նախագծերը: Դրանց ստեղծման աշխատանքների ընդհանուր արժեքը SpaceX-ի համար գնահատվում է 2,6 մլրդ դոլար, իսկ Boeing-ի համար՝ 4,2 մլրդ դոլար:
Բաժանորդագրվեք մեր ալիքին Telegram-ում