Տաշքենդ. Վնասվածքը Բորանյանին խանգարեց շարունակելու մրցապայքարը
14:16, 14 Սեպտեմբեր 2014
ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Ուզբեկստանի մայրաքաղաք Տաշքենդում անցկացվող Հունահռոմեական ոճի ըմբշամարտի աշխարհի առաջնության կիսաեզրափակիչ փուլում Հայաստանը ներկայացնող 71 կգ քաշային Վարշամ Բորանյանը մրցում էր թուրք Յունուս Օզելի հետ: «Արմենպրես»-ի հաղորդմամբ` հայ մազրիկը պայքարի ընթացքում վնասվածք ստացավ, ինչը նրան խանգարեց շարունակել գոտեմարտը: Մրցավարը հաղթանակը շնորհեց թուրք ըմբիշին:
Այսպիսով Հունահռոմեական ոճի ըմբշամարտի աշխարհի առաջնության ոսկե մեդալի համար կպայքարի 98 կգ քաշային Արթուր Ալեքսանյանը, իսկ Բորանյանը, եթե վնասվածքը նրան չխանագարի, կպայքարի երրորդ տեղի համար:
Բաժանորդագրվեք մեր ալիքին Telegram-ում