Տաշքենդ. Արթուր Ալեքսանյանը կպայքարի չեմպիոնի կոչման համար
13:39, 14 Սեպտեմբեր 2014
ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Ուզբեկստանի մայրաքաղաք Տաշքենդում անցկացվող Հունահռոմեական ոճի ըմբշամարտի աշխարհի առաջնության կիսաեզրափակիչ փուլում Հայաստանը ներկայացնող 98 կգ քաշային Արթուր Ալեքսանյանը 3:1 հաշվով պարտության մատնեց իրանցի Ղասեմ Ռեզաեիին: Այսպիսով հայ ըմբիշը իրավունք նվաճեց պայքարելու աշխարհի չեմպիոնի կոչման համար: «Արմենպրես»-ի հաղորդմամբ` Հայաստանը ներկայացնող մեկ այլ մարզիկ` 71 կգ քաշային Վարշամ Բորանյանը, մեկ քառորդ եզրափակիչում հաղթանակ տանելով ղազախ Դեմեու Ժադրաեւի նկատմամբ, պայքարը կշարունակի մրցամարտի կիսաեզրափակիչ փուլում:
Բաժանորդագրվեք մեր ալիքին Telegram-ում