Գերմանիայի եւ Արգենտինայի ֆուտբոլիստները նորից հանդիպում են
10:39, 3 Սեպտեմբեր 2014
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Ֆուտբոլի աշխարհի փոխչեմպիոն, Արգենտինայի հավաքականի երկու ֆուտբոլիստներ՝ Լիոնել Մեսին եւ Էզեկեիլ Գարայը չեն մասնակցելու սեպտեմբերի 3-ին Դյուսելդորֆում կայանալիք թիմի ընկերական հանդիպմանը աշխարհի չեմպիոն Գերմանիայի հավաքականի հետ:
Այս մասին տեղեկացնում Է «Արմենպրես»-ը` վկայակոչելով ԻՏԱՌ-ՏԱՍՍ գործակալությունը:
Ինչպես հայտնի Է, Բրազիլիայում կայացած 2014 թվականի ֆուտբոլի աշխարհի առաջնության եզրափակիչում գերմանացիները Մարիո Գյոտցեի գոլի շնորհիվ 1:0 հաշվով հաղթել են Արգենտինայի թիմին:
Արգենտինացիները կխաղան արդեն նոր գլխավոր մարզիչ Խերարդո Մարտինոյի ղեկավարությամբ:
Բաժանորդագրվեք մեր ալիքին Telegram-ում