ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Հանրապետության տարբեր խոտածածկ տարածքներում սեպտեմբերի 2-3-ը մի շարք հրդեհներ են բռնկվել: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, մասնավորապես, Երևանի Գյուրջյան փողոցի թիվ 60 շենքի մոտակայքում այրվել է 300 քմ խոտածածկ տարածք, Աճառյան փողոցի 2-րդ փակուղու թիվ 11 ջերմակայանի մոտակայքում` 60 քմ բուսածածկ տարածք, Արարատի մարզի Ռանչպար գյուղի մոտակայքում` 3000 քմ, Կոտայքի մարզի Եղվարդ քաղաքի գերեզմանատանը` 800 քմ խոտածածկ տարածք, Չարենցավան քաղաքի ՀՀ ՊՆ զինվորական կոմիսարիատի մոտակայքում` 500 քմ խոտածածկ տարածք և 15 ծառ:

Չարենցավան քաղաքի գերեզմանատանն այրվել է 200 քմ խոտածածկ տարածք, Ջրաբեր գյուղի մոտակայքում` 1,5 հա խոտածածկ տարածք և 6 պտղատու ծառ, Շիրակի մարզի Գյումրի քաղաքի Բուլվարային փողոցի վերջանամասում` 3 հա, Սյունիքի մարզի Սևաքար գյուղի մոտակայքում` 20 հա բուսածածկ տարածք, Գորիս քաղաքի Երևանյան խճուղու մոտակայքում՝ «Սառնաղբյուր» կոչվող դաշտավայրում` 50 հա խոտածածկ տարածք և ջերմահարվել է 6 էլեկտրալարերի սյուն, Սյունիքի փողոցի թիվ 87 հասցեի մոտակայքում` 20 քմ, Վայոց ձորի մարզի Գոմք գյուղի մոտակայքում` 4 հա բուսածածկ տարածք:

Բոլոր հրդեհները հրշեջ-փրկարարները մեկուսացրել են և մարել: