Նեապոլում մեկնարկում է պիցցայի փառատոնը
22:15, 2 Սեպտեմբեր 2014
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Նեապոլում մեկնարում է Pizzafest կոչվող պիցցայի փառատոնը: Ինչպես հաղորդում է «Արմենպրես»-ը՝ վկայակոչելով միջազգային լրատվամիջոցները, փառատոնն ամեն տարի սեպտեմբերին համախմբում է պիցցայի սիրահարներին: Փառատոնին ներկա գտնվելու համար աշխարհի տարբեր երկրներից ավելի քան 100 հազար հյուրեր են ժամանում: Շուրջ 11 օր ողջ Նեապոլում տարածվում է պիցցայի անուշաբույր հոտը:
Ողջ աշխարհում պիցցան Իտալիայի այցեքարտն է համարվում: Պիցցան Նեապոլի խորհրդանիշնն է, այն պաշտոնապես համարվում է պիցցայի հայրենիքը: Նեապոլցիների կարծիքով` միայն իրենց մոտ է պիցցան իսկական:
Փառատոնը կազմակերպվում է արդեն մոտ 30 տարի: Առաջին անգամ այն կազմակերպվել էր 1984թ.-ին, իսկ 1997թ.-ից այն ստացել է Pizzafest անվանումը:
Բաժանորդագրվեք մեր ալիքին Telegram-ում