Դավիթ Սաֆարյանը ֆավորիտների թվում է
22:08, 2 Սեպտեմբեր 2014
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Տաշքենդում մեկ շաբաթ անց մեկնարկող ազատ ոճի ըմբշամարտի աշխարհի առաջնությունում ռուսաստանցի Հաջիմուրադ Գացալովը կպայքարի աշխարհի չեմպիոնի 7-րդ, նրա հայրենակից Վիկտոր Լեբեդեւը, ամերիկացի Ջորդան Բերոուզը եւ իրանցի Ռեզա Յազդանին՝ չեմպիոնի 3-րդ տիտղոսի համար:
Ինչպես տեղեկացնում Է «Արմենպրես»-ը, միջազգային մարզական մամուլը նշում Է նաեւ 66կգ քաշային, աշխարհի գործող չեմպիոն Դավիթ Սաֆարյանին Հայաստանից` շեշտելով, որ երկրորդ տիտղոսի համար պայքարող Սաֆարյանը իր քաշային կարգի ֆավորիտն Է:
Այս մրցաշարին կմասնակցեն Հայաստանի 5 ըմբիշներ, որոնցից 2-ը՝ Սաֆարյանը եւ 70 կգքաշային Եվրոպայի փոխչեմպիոն Գրիգոր Գրիգորյանը համարվում են մեդալների իրական հավակնորդներ:
Բաժանորդագրվեք մեր ալիքին Telegram-ում