Գեղարքունիքի մարզում օգոստոսին ծնվել է 252 երեխա
ԳԱՎԱՌ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Գեղարքունիքի մարզպետարանի աշխատակազմի առողջապահության եւ սոցիալական ապահովության վարչության առողջապահության բաժնում ամփոփվել են այս տարվա օգոստոսի ծնունդների վերաբերյալ տվյալները: Ըստ նույն վարչության կողմից «Արմենպրես»-ին տրամադրած տվյալների` 2014 թվականի օգոստոսին Գեղարքունիքի մարզում ծնվել է 252 երեխա, որից 67-ը` Գավառի տարածաշրջանում: Նորածինների թվով մարզում առաջատարն է Մարտունու տարածաշրջանը, որտեղ նախորդ ամսվա մեջ ծնվել է 110 երեխա: Սեւանի տարածաշրջանում նույն ժամանակամիջոցում ծնվել է 43, Վարդենիսի տարածաշրջանում` 26, եւ Ճամբարակի տարածաշրջանում` 6 երեխա:Նախորդ տարվա նույն ամսվա համեմատ այս տարվա օգոստոսի ծնունդների թիվն աճել է 2-ով` 250-ի փոխարեն կազմելով 252: Գավառում ծնունդների թիվը նախորդ տարվա օգոստոսի համեմատ աճել է 11-ով, Վարդենիսում` 2-ով: Սեւանում աճ կամ նվազում չի դիտվել: Մարտունիում նախորդ տարվա համեմատ նորածինների թիվը նվազել է 8-ով, իսկ Ճամբարակում` 3-ով: Գեղարքունիքի մարզում 2-ով նվազել է նաեւ կեսարյան հատումով ծնունդների թիվը:
Խոսրով Խլղաթյան
Բաժանորդագրվեք մեր ալիքին Telegram-ում