1000х90.jpg (78 KB)

Երևանում՝ 11:07,   29 Մարտ 2024

Սքոթլանդ-յարդի շենքը վաճառքի Է հանվել 410 միլիոն դոլարով

Սքոթլանդ-յարդի շենքը վաճառքի Է հանվել 410 միլիոն դոլարով

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Սքոթլանդ-յարդի շենքը՝ Մեծ Լոնդոնի ոստիկանության կենտրոնակայանը, վաճառքի Է հանվել 250 մլն ֆունտ ստեռլինգով (ավելի քան 410 միլիոն դոլար), տեղեկացնում Է «Արմենպրես»-ը՝ հղում անելով «Ֆայնենշլ թայմս»-ին:

Այդպիսով, Լոնդոնի ոստիկանությանը հարկ կլինի տեղափոխվել՝ այդ շենքում կեսդարյա աշխատանքից հետո: Սքոթլանդ-յարդը ավելի փոքր չափի կենտրոնակայան կստանա Թեմզայի ափին, ինչպես նաեւ միջոցներ՝ տեխնոլոգիական հանդերձումն արդիականացնելու համար, ինչը թույլ կտա ավելի մեծ թվով սպաների աշխատել գրասենյակից դուրս՝ պլանշետներով ու սմարթֆոններով:

Մեծ Բրիտանիայի ՆԳ նախարարության պահանջով Մեծ Լոնդոնի իշխանությունները կրճատում են ծախսերը, օրինակ՝ կենտրոնակայանի վաճառքը թույլ կտա տարեկան 6 մլն ֆունտ տնտեսել միայն շենքի շահագործման հաշվին, ինչը համարժեք Է 130 ոստիկանների աշխատավարձին: 2010 թվականից Մեծ Լոնդոնի (առանց Լոնդոնի Սիթիի հաշվառման, որով առանձին գերատեսչություն Է զբաղվում) ոստիկանությունը հարկադրված Է եղել աշխատավարձերը կրճատել 20 տոկոսով:

Սքոթլանդ-յարդի շենքը գտնվում Է Վեսթմինսթերում Բրոդվեյ, 8-10 հասցեում՝ Մեծ Բրիտանիայի մայրաքաղաքի ամենահայտնի ու հեղինակավոր շրջաններից մեկում: Գրասենյակի մակերեսը կազմում Է 600 հազար քառակուսի ֆունտ, ընդսմին վերին հարկաբաժիններից հիանալի տեսարան Է բացվում դեպի խորհրդարանի շենքը, Սենթ Ջեյնի զբոսայգին եւ այլ տեսարժան վայրեր:

Վաճառքի հանվող գրասենյակը նախատեսված Է 2,5 հազար աշխատատեղերի՝ ոստիկանների ու վարչական անձնակազմի համար այն դեպքում, երբ նոր շենքը՝ միայն հազար մարդու համար, հաղորդել Է «Ինտերֆաքս»-ը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]