ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Ոստիկանության Իջևանի բաժնում հաղորդում է ստացվել, որ 1962թ. ծնված Սոնյա Ա.-ի բնակարանից գողություն է կատարվել: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, մեկնած օպերատիվ խումբը պարզել է, որ հուլիսի 25-ից օգոստոսի 30-ն ընկած ժամանակահատվածում, բաց պատուհանից մտնելով Սոնյա Ա.-ի տուն, գողացել են մագնիտոֆոն, ալեհավաքի կարգավորիչ և 100 մ պլաստմասսե խողովակ` պատճառելով 200.000 դրամի նյութական վնաս: Ոստիկանության Տավուշի մարզային վարչության և Իջևանի բաժնի ծառայողների ձեռնարկած միջոցառումների շնորհիվ պարզվել է, որ գողությունը կատարել է 1983թ. ծնված Կարեն Բ.-ն: Գողոնը հայտնաբերվել և առգրավվել է: Կարեն Բ.-ն ձերբակալված է: Կատարվում է նախաքննություն: