Շենգավիթի որոշ հասցեներում մեկ օր ջուր չի լինի
16:27, 2 Սեպտեմբեր 2014
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Պլանային աշխատանքներով պայմանավորված` սեպտեմբերի 4-ին` ժամը 09.00-ից մինչև սեպտեմբերի 5-ը` ժամը 09.00-ն, կդադարեցվի Շենգավիթ վարչական շրջանի մի շարք հասցեների ջրամատակարարումը: Ինչպես «Արմենպրես»-ին տեղեկացրին «Երևան Ջուր» ընկերությունից, կդադարեցվի, մասնավորապես, Մայիսի 9, Մանանդյան, Մանթաշյան, Եղբայրության, Ղարիբջանյան, Օդեսայի, Հրազդանի, Չեխովի, Կոտովսկու, Մուսայելյան, Պատկանյան փողոցների, Վերին Շենգավիթ 2-րդ փողոցի, Արագածի և Կողբի փողոցների ու նրբանցքների, Բագրատունյաց 3, 5, 7, 11 համարների և 2-րդ նրբանցքի, Արտաշիսյան 37-41, Նժդեհի 1-19 համարների և հարակից տարածքների ջրամատակարարումը:
Բաժանորդագրվեք մեր ալիքին Telegram-ում