Հունաստանում վաճառքի է հանվել կղզի 15 միլիոն եվրոյով
14:52, 2 Սեպտեմբեր 2014
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Հունաստանում վաճառքի է հանվել կղզի 5 հա մակերեսով: Ինչպես հաղորդում է «Արմենպրես»-ը՝ վկայակոչելով միջազգային լրատվամիջոցները, վաճառվող տարածքի մեջ ներառված է առանձնատուն 4 ննջասենյակով, սպասարկող անձնակազմի համար տնակ, գինետուն, եկեղեցի, 17-րդ դարի աշտարակ, ձիթապտղի 350 ծառ և 2 ավազոտ ծովափ:
Կղզին նաև ունի մեծ հրապարակ բարբեքյու կազմակերպելու համար, տնակ ծովափում և կայանատեղի 3 ոչ մեծ նավերի համար:
Կղզին ընտանեկան հանգստի կազմակերպման հիանալի վայր է: Ափը հարմար է ինչպես լողալու, այնպես էլ ձկնորսության համար: Այն գտնվում է Էվիա ծոցում՝ Խալկիդա քաղաքի մոտակայքում: Վաճառքի գինը կազմում է 15 միլիոն եվրո:
Բաժանորդագրվեք մեր ալիքին Telegram-ում