Երևանում սեպտեմբերին կտնկվի 20 000 վարդի թուփ
11:20, 2 Սեպտեմբեր 2014
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Մայրաքաղաքի ծաղկապատման 2014 թվականի աշխատանքների շրջանակում այս տարի վարչական շրջաններում տնկվել է 2 միլիոն 200 հազար ծաղկասածիլ, վարդի 20 000 թուփ: Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, ևս 20000 վարդի թուփ կտնկվի սեպտեմբերի երրորդ տասնօրյակում: Դրանք տեղ կգտնեն Երևանի կանաչ գոտիներում, այգի-պուրակներում, նախկինում ձևավորված ու նորաստեղծ ծաղկային տարածքներում: Գլխավոր ու երկրորդական ճանապարհների, ինչպես նաև քաղաքի մուտքերին հարակից սիզամարգերն ու ծաղկային գոտիներն աշնանային տունկի ընթացքում կհամալրվեն նաև կակաչների սոխուկներով:
Բաժանորդագրվեք մեր ալիքին Telegram-ում