ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Հանրապետության տարբեր խոտածածկ տարածքներում սեպտեմբերի 1-2-ը հրդեհներ են բռնկվել: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, մասնավորապես, Մ-1 միջպետական ավտոճանապարհի Երևան-Աշտարակ հատվածում (7-րդ կմ) այրվել է մոտ 15 քմ խոտածածկույթ, Արարատի մարզի Ջրաշեն գյուղում մոտ 5000 քմ, Ռանչպար գյուղի մոտակայքում` մոտ 10 հա եղեգնուտ և փայտե հենասյուներ, Կոտայքի մարզի Աղվերան գյուղի «Արտուս» հանգստյան գոտու մոտակայքում` մոտ 5 հա, Սյունիքի մարզի Կապան քաղաքի Ռ. Մինասյան փողոցի թիվ 20 շենքի մոտակայքում` մոտ 100 քմ, Աճանան գյուղի վերջնամասում` մոտ 10 հա խոտածածկ տարածք: Բոլոր հրդեհները հրշեջ-փրկարարները մեկուսացրել են և մարել: