Սամբոն մոտ Է օլիմպիական ճանաչմանը
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Սամբո մարզաձեւը կարող Է արդեն 2015 թվականին օլիմպիական ճանաչում ստանալ:
Այս մասին «Արմենպրես»-ին տեղեկացրին Հայաստանի սամբոյի ֆեդերացիայում` ակնարկելով սամբոյի միջազգային ֆեդերացիայի նախագահ Վասիլի Շեստակովի ելույթը Ռուսաստանի մարզական մամուլում:
«Մենք ծրագրել ենք, որ սամբոն կարող Է գրանցվել 2024թվականի օլիմպիական խաղերի ծրագրում, բայց միջազգային օլիմպիական կոմիտեի կողմից կարող Է պաշտոնական ճանաչում ստանալ արդեն 2015թվականին»,- ասել Է Շեստակովը:
Սամբոն, որը Հայաստանի առաջատար մարզաձեւերից մեկն Է, բավականին լայն տարածում ունի աշխարհում: Այն ընդգրկվել Է Ասիայի եւ Եվրոպայի օլիմպիական խաղերի ծրագրում, Համաշխարհային ուսանողական խաղերի ծրագրում, սամբոյի աշխարհի առաջնությանը մասնակցում են ոչ պակաս, քան 75 երկրների սամբիստներ:
Հաշվի առնելով այն հանգամանքը, որ Հայաստանի սամբիստները աշխարհի եւ Եվրոպայի առաջնություններում միշտ նվաճում են բազմաթիվ, այդ թվում՝ոսկե մեդալներ, մարզաձեւի օլիմպիական գրանցման դեպքում նրանք բավականին կհարստացնեն Հայաստանի մարզիկների օլիմպիական մեդալների հավաքածուն:
Բաժանորդագրվեք մեր ալիքին Telegram-ում