Յուրա Մովսիսյանը ստանձնել է տոմսավաճառի պարտականությունները
20:24, 1 Սեպտեմբեր 2014
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի անդամ, Մոսկվայի «Սպարտակ» թիմի հարձակվող Յուրա Մովսիսյանը իր երկրպագուներին անակնկալ է մատուցել` վաճառելով նոր մարզադաշտում «կարմրասպիտակավորների» առաջին ֆուտբոլային խաղի տոմսերը:
Ինչպես հայտնում է «Արմենպրես»-ը, վկայակոչելով «Սպարտակի» պաշտոնական կայքը, Յուրա Մովսիսյանը շատ արագ յուրացրել է իր համար նոր աշխատանքը և օգնել գանձնապահներին` միևնույն ժամանակ ինքնագրեր բաժանել իրեն սատարողներին:
Սեպտեմբերի 5–ին նոր մարզադաշտում «Սպարտակ»-ն ընկերական հանդիպում կանցկացնի սերբական «Ցրվենա Զվեդա» թիմի հետ:
Բաժանորդագրվեք մեր ալիքին Telegram-ում