ԱԻՆ-ում կայացել է հերթական աշխատանքային խորհրդակցությունը
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ԱԻ նախարարությունում սեպտեմբերի 1-ին տեղի է ունեցել հերթական ամենշաբաթյա խորհրդակցությունը, որը վարել է ԱԻ նախարար Արմեն Երիցյանը: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, Փրկարար ծառայության տնօրեն, գեներալ-մայոր Սերգեյ Ազարյանը զեկուցել է շաբաթվա ընթացքում գրանցված պատահարների, կատարված հանձնարարականների և ընթացիկ աշխատանքների մասին: Զեկուցվել է բոլոր միջոցառումների և ուսումնավարժանքների անցկացման մասին, Կոտայքի մարզում կազմակերպված ուսումնավարժանքի մասին:
Նախարարին զեկուցվել է նաև ՀՀ ԱԻՆ ճգնաժամային կառավարման պետական ակադեմիայի` 2014-2015թթ. ուսումնական տարվա նախապատրաստական աշխատանքների, ընդունելության քննությունների և դրանք հաղթահարած ուսանողների մասին:
Ամենշաբաթյա խորհրդակցությանն առցանց մասնակցող ԼՂՀ ԿԱ արտակարգ իրավիճակների պետական ծառայության և ՀՀ ԱԻՆ մարզային փրկարար վարչությունների պետերը զեկուցել են շաբաթվա ընթացքում գրանցված պատահարների, ընթացիկ աշխատանքների, մարզային ՃԿԿ-ների ստեղծման մասին:
Բաժանորդագրվեք մեր ալիքին Telegram-ում