ԵՄ-ի առաջնորդները կդիմեն Եվրահանձնաժողովին` առաջարկելով նոր պատժամիջոցներ կիրառել ՌԴ-ի նկատմամբ
14:52, 30 Օգոստոս 2014
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Եվրամիության առաջնորդները կդիմեն Եվրահանձնաժողովին` առաջարկելով պատրաստել Ռուսաստանի դեմ կիրառվող պատժամիջոցների «նոր մակարդակ»: Ինչպես փոխանցում է «Արմենպրես»-ը` վկայակոչելով «Ռիա-նովոստի»-ն, այդ մասին հայտարարել է Գերմանիայի փոխկանցլեր Զիգմար Գաբրիելը:
Օգոստոսի 30-ին Բրյուսելում տեղի կունենա Եվրամիության հերթական գագաթնաժողովը: Սպասվում է, որ դրանում կքննարկվեն ԵՄ-ի առանցքային պաշտոններին առնչվող հարցերն ու Ուկրաինայում ստեղծված իրավիճակը:
Ուկրաինական ճգնաժամի հետևանքով Եվրոպան ու ԱՄՆ-ը տարբեր տեսակի պատժամիջոցներ են կիրառում ՌԴ-ի նկատմամբ: Ի պատասխան` ՌԴ-ն ևս ձեռնարկել է որոշակի քայլեր, որոնց արդյունքում արգելվել է ԵՄ-ից մթերքների ներմուծումը ՌԴ:
Բաժանորդագրվեք մեր ալիքին Telegram-ում