Հայաստանն իր երկու հարևանների հետ սեպտեմբերին Երևանում բազմաճյուղ ցուցահանդես կանցկացնի
15:49, 29 Օգոստոս 2014
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: «Երևան Էքսպո» ցուցահանդեսային կենտրոնում սեպտեմբերի 12-14-ը կկայանա «Էքսպո Իրան-Կովկաս 2014» տարածաշրջանային բազմաճյուղ ցուցահանդեսը: Ինչպես «Արմենպրես»-ին հայտնեցին «Նյու Էքսպո» ընկերությունից, ցուցահանդեսի ժամանակ ներկայացված կլինեն Իրանի, Հայաստանի, Վրաստանի մի քանի տասնյակ կազմակերպություններ, որոնք կներկայացնեն իրենց արտադրանքն ու ծառայությունները:
Ցուցահանդեսի աշխատանքային ժամերն են սեպտեմբերի 12-14-ին ժամը 10:00-18:00-ը: Բացումը կկայանա սեպտեմբերի 12-ին ժամը 11:00-ին:
Բաժանորդագրվեք մեր ալիքին Telegram-ում