Դանիա-Հայաստան ֆուտբոլային խաղի տոմսերը կարժենան 33,5 եվրո
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Ֆուտբոլի Եվրոպայի 2016 թվականի առաջնության Դանիա-Հայաստան խաղի տոմսերը կարժենան 33,5 եվրո:
Ինչպես փոխանցում է «Արմենպրես»-ը`վկայակոչելով Հայաստանի ֆուտբոլի ֆեդերացիային, Հայաստանի ազգային հավաքականի բոլոր երկրպագուները, ովքեր ցանկանում են ներկա գտնվել սեպտեմբերի 7-ին կայանալիք 2016թ. Եվրոպայի առաջնության Դանիա-Հայաստան ընտրական հանդիպմանը, հնարավորություն կստանան Հայաստանի ազգային հավաքականի երկրպագուների համար նախատեսված տոմսերը ձեռք բերել խաղի օրը՝ ժամը 14:00-ից (Դանիայի ժամանակով) «Պարկեն» մարզադաշտի մերձակայքում գտնվող տոմսարկղից: Հայ երկրպագուներին հատկացվել է մարզադաշտի D տրիբունայի D1 սեկցիան: Տոմսերի արժեքն է 250 դանիական կրոն (33,5 եվրո):
14:30-ից սկսած Հայաստանի ազգային հավաքականի երկրպագուները կարող են հավաքվել Դանիայում Հայաստանի դեսպանատան մոտ և միասին ուղղվել դեպի մարզադաշտ:
Բաժանորդագրվեք մեր ալիքին Telegram-ում