Գազի խնդրի շուրջը ՌԴ-ի եւ ԵՄ-ի բանակցություններում առաջընթաց Է ձեռք բերվել. Եվրահանձնաժողով
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Ռուսաստանը եւ Եվրամիությունն առաջընթացի են հասել գազի խնդրի շուրջը տեղի ունեցած բանակցություններում: Այդ մասին, ինչպես տեղեկացնում Է «Արմենպրես»-ը, հայտարարել Է Էներգետիկայի եվրակոմիսար Գյունտեր Էթինգերը՝ ամփոփելով Ռուսաստանի Էներգետիկայի նախարարության ղեկավար Ալեքսանդր Նովակի հետ օգոստոսի 29-ին կայացած հանդիպման արդյունքները:
Ինչպես հայտարարել Է Նովակը, «Գազպրոմը» պատրաստ Է Ուկրաինայի համար գազի գինը ժամանակավորապես սահմանել 385 դոլար հազար խորանարդ մետրի դիմաց՝ մինչեւ Ստոկհոլմի իրավարանի վճիռը: Դա 100 դոլարով պակաս Է, քան Մոսկվան ավելի վաղ պահանջում Էր:
Նա պարզաբանել Է, որ այս առաջարկությունը տեղավորվում Է գազի մատակարարման գործող պարտավորագրի շրջանակներում եւ կարող Է ընդունվել լրացուցիչ համաձայնագրերով, հաղորդել Է ԻՏԱՌ-ՏԱՍՍ-ը:
Մոսկվան նաեւ պնդում Է, որ մարվի «Նաֆտոգազի» պարտքը, որը, Նովակի խոսքով՝ այժմ կազմում Է 5,3 միլիարդ դոլար:
Գյունտեր Էթինգերն ընդգծել Է, որ Ուկրաինան պարտավոր Է մարել այդ պարտքը, եւ դրա վճարման գրաֆիկը կկազմվի մոտ ժամանակներս:
Նաեւ եվրակոմիսարը նշել Է, որ գազի խնդիրը չպետք Է օգտագործվի Ուկրաինայի իրադրության Էսկալացման համար, հաղորդել Է ՌԻԱ «Նովոստին»:
Բաժանորդագրվեք մեր ալիքին Telegram-ում