Հայաստանի ձյուդոիստները անհաջող հանդես եկան աշխարհի առաջնությունում
ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Հայաստանի 81կգ քաշային ձյուդոիստներ Անդրանիկ Չափարյանը եւ Ռաֆայել Դավթյանը պարտություն են կրել իրենց առաջին մրցամարտերում եւ դուրս մնացել ձյուդոյի աշխարհի առաջնության մեդալների համար մրցապայքարից:
Ինչպես տեղեկացնում Է «Արմենպրես»-ը, Չափարյանը զիջել Է ռուսաստանցի մարզիկ Ռինատ Իբրահիմովին, իսկ Դավթյանը՝ բրազիլիացի Վիտոր Պենելբաերին:
Այսպիսով, թիմի գլխավոր մարզիչ Տիգրան Բաբայանի ղեկավարությամբ մրցաշարում հանդես եկած Հայաստանի 7 ձյուդոիստներից որեւԷ մեկը չի կարողացել արժանի տեղ զբաղեցնել առաջնությունում:
Մեր մարզիկներից լավագույն արդյունքը ցույց Է տվել 60կգ քաշային Հովհաննես Դավթյանը, ով հաղթել Է 2 մրցամարտերում:
Ձյուդոյի աշխարհի առաջնությունն անցկացվում Է Ռուսաստանի Չելյաբինսկ քաղաքում: Այն կավարտվի օգոստոսի 30-ին, բայց Հայաստանի մարզիկները արդեն ավարտել են իրենց մրցելույթը այս առաջնությունում:
Բաժանորդագրվեք մեր ալիքին Telegram-ում