Էրդողանը հրաժարական է տվել
16:26, 27 Օգոստոս 2014
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Թուրքիայի գործող վարչապետ Ռեջեփ Թայիփ Էրդողանը «Արդարություն և զարգացում» կուսակցության արտահերթ նիստի ժամանակ հրաժարական է տվել կուսակցության ղեկավարի պաշտոնից: Ինչպես հաղորդում է «Արմենպրես»-ը`վկայակոչելով թուրքական «Միլլիեթ» պարբերականը, Թուրքիայի իշխող կուսակցության ղեկավար է ընտրվել դեռ գործող արտաքին գործերի նախարար և ապագա վարչապետ Ահմեդ Դավութօղլուն:
Թուրքիայի իշխող կուսակցության` դեռևս շարունակվող արտահերթ նիստի ժամանակ Դավութօղլուն, որպես առաջադրված միակ թեկնածու, կուսակցության կողմից ընտրվելու է նաև որպես երկրի վարչապետ:
Ռեջեփ Թայիփ Էրդողանի հրաժարականը պայմանավորված է այն հանգամանքով, որ նա օգոստոսի 10-ին կայացած ընտրություններում ընտրվել է երկրի նախագահ:
Բաժանորդագրվեք մեր ալիքին Telegram-ում