Արթուր Միրանյանը հանդես կգա Հայաստանի ազգային հավաքականներում
12:30, 27 Օգոստոս 2014
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Դոնեցկի «Շախտյորի» հայազգի կիսապաշտպան Արթուր Միրանյանը ցանկություն է հայտնել հանդես գալ Հայաստանի դրոշի ներքո և համապատասխան հայտ ներկայացրել ՖԻՖԱ: Նախկինում Միրանյանը հրավիրվել է Ուկրաինայի մինչև 19 և 17 տարեկանների հավաքականներ և հանդես է եկել այդ թիմերի կազմում: ՖԻՖԱ-ն որոշում է կայացրել բավարարել Արթուր Միրանյանի հայտը` թույլատրելով ֆուտբոլիստին հանդես գալ Հայաստանի ազգային հավաքականներում: «Արմենպրես»-ի հաղորդմամբ, այս մասին տեղեկացնում է Հայաստանի ֆուտբոլի ֆեդերացիան:
Հայաստանի ազգային հավաքականի մարզիչ Բեռնար Շալանդը արդեն հրավեր է ուղարկել Միրանյանին, ով այս պահին գտնվում է ՆՀՀ Մակեդոնիայում և պատրաստվում է պայմանագիր կնքել «Վարդար» ակումբի հետ:
Բաժանորդագրվեք մեր ալիքին Telegram-ում