Վարդենիսում 40-ամյա տղամարդուն դանակահարած անձը ներկայացել է ոստիկանություն
12:08, 27 Օգոստոս 2014
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Ոստիկանության Վարդենիսի բաժնում օգոստոսի 24-ին հաղորդում էր ստացվել 1988թ. ծնված Ռուբեն Ա.-ի կողմից 1974թ. ծնված Ավետիք Մ.-ին դանակահարելու մասին: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, ոստիկանների անցկացրած բացատրական աշխատանքների շնորհիվ, Ռուբեն Ա.-ն ներկայացել է բաժին և խոստովանել, որ օգոստոսի 24-ին` ժամը 04.00-ի սահմաններում, Վարդենիս-Շատվան ճանապարհին վիճաբանել է Ավետիք Մ.-ի հետ և ծալովի դանակով հարվածել նրա կրծքավանդակին և աջ նախաբազկին: Ձեռնարկվում են միջոցառումներ դանակը հայտնաբերելու ուղղությամբ: Տուժողին տրվել է դատաբժշկի ուղեգիր:
Բաժանորդագրվեք մեր ալիքին Telegram-ում