Իսպանիայի սուպերգավաթակիրը Մադրիդի «Ատլետիկո»-ն է
09:55, 23 Օգոստոս 2014
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Ֆուտբոլի Իսպանիայի սուպերգավաթակիրը «Ատլետիկո»-ն է:
Մադրիդի երկու թիմերի` «Ռեալ»-ի և «Ատլետիկո»-ի, պատասխան հանդիպումը կայացավ արդեն «ատլետների» դաշտում: «Սանտյագո Կալդերոն» մարզադաշտում կայացած խաղում խփվեց միայն մեկ գնդակ: «Ատլետիկո»-ն խաղի հաշիվը բացեց մեկնարկից ընդամենը երկու րոպե անց: Գոլի հեղինակ դարձավ Մանջուկիչը: «Ատլետներին» հաջողվեց պահպանել նվազագույն հաշիվն ամբողջ խաղի ընթացքում:
«Արմենպրես»-ի հաղորդմամբ, թիմերի առաջին հանդիպումն ավարտվել էր ոչ-ոքի` 1-1: Եվ այսպես, Իսպանիայի սուպերգավաթի նոր տերերը Մադրիդի «Ատլետիկո»-ի ֆուտբոլիստներն են:
Բաժանորդագրվեք մեր ալիքին Telegram-ում