ՈՒԵՖԱ-ն հրաժարվել է ճանաչել Ղրիմի ակումբների խաղերը ՌՖՄ-ի մրցաշարարերի ներքո
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: ՈՒԵՖԱ-ի արտակարգ իրավիճակների հարցերով խորհուրդը որոշում է կայացրել, որ Ղրիմի ֆուտբոլային ակումբների խաղերը Ռուսաստանի ֆուտբոլային միության ներքո անցկացվող մրցաշարերում, չեն ճանաչվելու: Ինչպես փոխանցում է «Արմենպրես»-ը` այդ մասին հայտնում է ՈՒԵՖԱ-ի մամուլի ծառայությունը:
«Խճճված և դժվար փաստերի, քաղաքական գործոնների լույսի ներքո, և մինչ այն պահը, երբ փոխընդունելի որոշում կգտնվի Ղրիմում ստեղծված իրավիճակի շուրջ, ՈՒԵՖԱ-ի արտակարգ իրավիճակների հարցերով խորհուրդն այսօր որոշում է կայացրել, որ Ղրիմը ներկայացնող ակումբների ֆուտբոլային հանդիպումները, որոնք տեղի կունենան ՌՖՄ-ի կազմակերպած մրցաշարարերի ներքո, չեն ճանաչվի մինչև հատուկ հանձնարարություններ չլինեն»,-նշված է ՈՒԵՖԱ-ի մամուլի ծառայության հայտարարության մեջ:
Ավելի վաղ FIFA-ն խոստացել էր հստակեցնել իր դիրքորոշումը Ղրիմի և Սևաստոպոլի ֆուտբոլային ակումբների շուրջ` ՈՒԵՖԱ-ի որոշումից հետո:
Բաժանորդագրվեք մեր ալիքին Telegram-ում