Գորիսի բնակիչներից մեկի տանը խուզարկությամբ հայտնաբերվել է «ԱԿ-74» ինքնաձիգի 30 փամփուշտ
11:31, 22 Օգոստոս 2014
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Սյունիքի մարզի ընդհանուր իրավասության դատարանի որոշմամբ, ոստիկանության Գորիսի քննչական բաժանմունքում քննվող մի քրեական գործի շրջանակներում, ոստիկանության ծառայողները խուզարկություն են կատարել 1985թ. ծնված Էդգար Ա.-ի տանը: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, Էդգար Ա.-ին պատկանող «ՈւԱԶ-315195» մակնիշի ավտոմեքենայից հայտնաբերվել է «ԱԿ-74» ինքնաձիգի 30 փամփուշտ: Հայտնաբերվածն առգրավվել է փորձաքննության: Կատարվում է նախաքննություն:
Բաժանորդագրվեք մեր ալիքին Telegram-ում