Պատանեկան օլիմպիադա. հայ հրաձիգն այս անգամ զբաղեցրել Է 5-րդ տեղը խառը զույգերի մրցապայքարում
10:50, 22 Օգոստոս 2014
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Հայաստանցի հրաձիգ Հրաչյա Բաբայանը բանգլադեշցի մարզուհի Շարմին Ակտերի հետ զույգում չեն կարողացել մեդալ նվաճել Նանկինի պատանեկան օլիմպիական խաղերի հրաձգության խառը զույգերի մրցաշարում:
Ինչպես տեղեկացնում Է «Արմենպրես»- ը, օդամղիչ ատրճանակ 10մետր մրցատարածքի ձեւում Հայաստանի եւ Բանգլադեշի մարզիկների խառը զույգը 20 մասնակիցների մրցապայքարում հաջող մեկնարկից հետո 4:10 հաշվով զիջել Է եգիպտուհի Հադիր Մեհիմար եւ հունգարացի Իշտվան Ֆեն զույգին եւ դուրս մնացել մեդալների համար մրցապայքարից` ի վերջո զբաղեցնելով 5-րդ տեղը:
Ինչպես հայտնի Է, Հրաչյա Բաբայանը հայաստանցի մարզիկներից առաջինն Էր մեդալ նվաճել Նանկինի խաղերում` դառնալով արծաթե մրցանակակիր:
Բաժանորդագրվեք մեր ալիքին Telegram-ում