Գավառ քաղաքում անցկացվեց հակածխախոտային տեղեկատվական քարոզարշավ
ԳԱՎԱՌ, 21 ՕԳՈՍՏՈՍԻ, ԱՐՄԵՆՊՐԵՍ: «Վորլդ Վիժն Հայաստան»-ի Գավառի տարածքային զարգացման գրասենյակի աջակցությամբ, «Նախաձեռնությունների եւ գործողությունների դաշտավայր» եւ «Գեղարեգ» ՀԿ-ների նախաձեռնությամբ, երիտասարդները Գավառ քաղաքում կազմակերպեցին հակածխախոտային տեղեկատվական քարոզարշավ: Ինչպես «Արմենպրես»-ին տեղեկացրեց ծրագրի ղեկավար, «Գեղարեգ» ՀԿ նախագահ Գրիգոր Դաշտոյանը, քաղաքի երիտասարդ կամավորները ծխող անցորդներին ներկայացնում էին ծխելու վնասակարությունը եւ առաջարկում, որպեսզի իրենց ծխախոտի գլանակը կամ ծխախոտի տուփը փոխանակեն շոկոլադի հետ:
Երիտասարդները ուրախությամբ արձանագրեցին, որ իրենց նախաձեռնությունը որոշակի չափով ունեցավ իր ազդեցությունը: Երիտասարդներն անցորդներին նաեւ բաժանեցին տեղեկատվական թերթոններ, որոնք պարունակում են կարեւոր տեղեկություններ ծխախոտի վնասակարության վերաբերյալ: Առողջ ապրելակերպի մեկամսյակի շրջանակներում ծրագրով նախատեսված է առաջիկայում երիտասարդության շրջանում իրականացնել քայլարշավ դեպի Նորատուս, ապա կազմակերպաել լողափնյա վոլեյբոլի մրցաշար:
Խոսրով Խլղաթյան
Բաժանորդագրվեք մեր ալիքին Telegram-ում