Փրկարարները երթևեկելի հատված են դուրս բերել Դեբեդի վարարման հետևանքով արգելափակված միկրոավտոբուսը
13:56, 21 Օգոստոս 2014
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: ՀՀ ԱԻՆ-ում օգոստոսի 20-ին` ժամը 20.27-ին, ահազանգ է ստացվել, որ «Շահալի» երկաթգծային կայարանի մոտակայքում Դեբեդ գետի վարարման հետևանքով միկրոավտոբուսն արգելափակվել է կամրջի վրա, ներսում կան քաղաքացիներ (18 հոգի). անհարժեշտ է փրկարարների օգնությունը: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Հրշեջ-փրկարարները ճանապարհի երթևեկելի հատված են դուրս բերել «ԳԱԶել» մակնիշի 0548Լ պետհամարանիշով միկրոավտոբուսը:
Բաժանորդագրվեք մեր ալիքին Telegram-ում