«Արարատ»-ի սկաուտները Գետաշենի դպրոցում 2 դասարան են վերանորոգել
ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Արմավիրի մարզի Գետաշեն գյուղում օգոստոսի 21-ին տեղի կունենա հանրակրթական դպրոցի երկու վերանորոգված դասարանների բացումը: Ինչպես «Արմենպրես»-ին հաղորդեցին ՀՀ Սփյուռքի նախարարության մամուլի և հասարակայնության հետ կապերի վարչությունից, արողությանը կմասնակցեն Արմավիրի մարզպետը, Հայ մշակութային «Արարատ» միության (ՀՄԱԿ) մի խումբ անդամներ, գյուղի բնակիչներ և հյուրեր:
Իրանի Հայ մշակութային «Արարատ» կազմակերպությունը իր 70-ամյակի առիթով նախաձեռնել է Արմավիրի մարզի Գետաշեն գյուղի հանրակրթական դպրոցի երկու դասարանի վերանորոգումը: Աշխատանքներին, նյութականից բացի, իրենց գործնական մասնակցությունն են բերել ՀՄԱԿ-ի 10 կամավոր սկաուտներ։
Դպրոցն ունի 14 դասարան, որոնցից 6-ը վերջին տարիների ընթացքում մասամբ վերանորոգվել էին։ Դպրոցում սովորում է 288 աշակերտ:
Օգոստոսի 19-ին ՀՄԱԿ-ի սկաուտներին այցելել են «Հայաստանի մանուկներ» հիմնադրամ, որի կամավորական երեխաները, միանալով սկաուտներին, աջակցել են վերանորագման աշխատանքներին:
Դասարանների բացմանը Նախատեսված է նաև գեղարվեստական ծրագիր:
Բաժանորդագրվեք մեր ալիքին Telegram-ում