Հայաստանցի հրաձիգը հավակնում է օլիմպիական մեդալի
18:27, 20 Օգոստոս 2014
ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Հայաստանցի հրաձիգ Զավեն Իգիթյանը Չինական Տայբեյի մարզուհի Յու Թին Չունի հետ զբաղեցրել է 2-րդ տեղը Նանջինում ընթացող պատանեկան 2-րդ օլիմպիական խաղերի հրաձգության միջազգային խառը զույգերի նախնական մրցումներում եւ այժմ հավակնում Է մեդալի:
Ինչպես տեղեկացնում է «Արմենպրես»-ը, օդամղիչ ատրճանակ մրցաձեւի 10 մետր ձեւի մրցումներում Իգիթյան-Չուն զույգը վաստակել է 760 միավոր` 2 միավոր զիջելով միայն մրցումների առաջատարներին՝ ուկրաինացիներին, եւ ստացել մրցաշարի մեդալների համար պայքացրելու իրավունք:
Մինչ այդ Իգիթյանն արդեն մասնակցել Էր Խաղերի հրաձգության անհատական մրցաշարին, որտեղ զբաղեցրել Էր 5-րդ տեղը:
Բաժանորդագրվեք մեր ալիքին Telegram-ում