Իրանի արեւմուտքում տեղի Է ունեցել 5,7 մագնիտուդով երկրաշարժ
15:35, 20 Օգոստոս 2014
ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: 5,7 մագնիտուդով երկրաշարժ Է տեղի ունեցել Իրանի արեւմուտքում՝ Իրաքի հետ սահմանի մերձակայքում: Ինչպես տեղեկացնում Է «Արմենպրես»-ը, այս մասին հաղորդել Է ԱՄՆ-ի Երկրաբանական ծառայությունը: Ստորգետնյա ցնցումների Էպիկենտրոնը գտնվել Է Դեխլորան քաղաքից 50 կիլոմետր դեպի արեւելք: Օջախն ընկած Է եղել 10 կիլոմետր խորության վրա:
Տուժածների եւ ավերածությունների մասին տեղեկատվություն չի ստացվել: Սա արդեն տարածաշրջանում երկրորդ երկրաշարժն Է մեկ օրվա ընթացքում: Օգոստոսի 20-ի առավոտյան հայտնի Է դարձել, որ 4,2 մագնիտուդով ստորգետնյա ցնցումներ են գրանցվել երկրի հարավում՝ Թանգ ե Էրամ քաղաքից ոչ հեռու, որը գտնվում Է Բուշերի եւ Ֆարսի նահանգների սահմանին, հաղոդրել Է ԻՏԱՌ-ՏԱՍՍ-ը:
Բաժանորդագրվեք մեր ալիքին Telegram-ում