«Կոշ» ՔԿՀ-ում համատարած փորլուծության դեպք չի գրանցվել
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Հայկական մի շարք զանգվածային լրատվամիջոցների հուլիսի 31-ին տեղեկություններ էին տարածել, որ ՀՀ ԱՆ «Կոշ» ՔԿՀ-ում այս օրերին համատարած փորլուծության դեպք է գրանցվել, պատճառը՝ ջուրն է և ոչ հիգիենիկ վիճակը: ՀՀ արդարադատության նախարարության քրեակատարողական վարչության հանրային կապերի բաժինն «Արմենպրես»-ին հայտնում է, որ ՀՀ ԱՆ «Կոշ» ՔԿՀ-ում հուլիսի 31-ի դրությամբ գրանցվել է միայն մեկ դեպք, և փորկապության խնդիր ունեցող դատապարտյալը տեղափոխվել է ՀՀ ԱՆ «Դատապարտյալների հիվանդանոց» ՔԿՀ:
«Կոշ» ՔԿՀ-ում սանիտարահիգիենիկ իրավիճակը վերահսկվում է համապատասխան մասնագետների կողմից, համատարած փորլուծության դեպք չի գրանցվել, ուստի և լրատվամիջոցներում տարածված լուրերն իրականությանը չեն համապատասխանում:
Բաժանորդագրվեք մեր ալիքին Telegram-ում