Իտալական դատարանը Մարադոնային ազատել Է 39 միլիոն եվրո հարկ վճարելուց
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Իտալիայի Նեապոլ քաղաքի դատարանը վճռել Է, որ իտալական Eqitalia հարկային գործակալությունը պետք Է հրաժարվի լեգենդար արգենտինացի ֆուտբոլիստ եւ մարզիչ Մարադոնային ներկայացրած 39 միլիոն եվրո հարկ վճարելու պահանջից:
Ինչպես տեղեկացնում Է «Արմենպրես»-ը, վկայակոչելով Thelocal.it կայքը, Մարադոնան 1984-ից մինչեւ 1991 թվականները բնակվում Էր Նեապոլում եւ հանդես գալիս տեղի «Նապոլի» ֆուտբոլի ակումբի կազմում:
Հարկային գործակալության աշխատակիցների կարծիքով` այդ տարիների ընթացքում Մարադոնան Իտալիայի պետական բյուջե չԷր վճարել 39 միլիոն եվրո, եւ նրան առաջարկվել է կատարել այդ վճարումը:
Մարադոնան դիմել Էր դատարան, որը եւ նրա օգտին համապատասխան որոշում Է ընդունել:
«Մենք շատ դժվար ամիսներ Էինք ապրել այս գործի պատճառով, բայց այժմ ամեն ինչ մնացել Է անցյալում եւ մենք վերջապես ազատվել ենք այս փորձությունից»,- ասել Է Մարադոնայի փաստաբան Անջելո Պիզանին:
Բաժանորդագրվեք մեր ալիքին Telegram-ում