Լուգանսկում սպանվել է ադրբեջանական համայնքի ղեկավարը
12:57, 31 Հուլիս 2014
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Լուգանսկում սպանվել է ադրբեջանական համայնքի ղեկավարներից մեկը` Ուկրաինայի Լուգանսկի մարզի ադրբեջանցիների կոնգրեսի 53-ամյա փոխնախագահ Թելման Ջաֆարովը: Այս մասին, ինչպես հաղորդում է «Արմենպրես»-ը, ադրբեջանական APA լրատվական գործակալությանը հայտնել է կոնգրեսի նախագահ Ռասիմ Ուղուրլուեւը:
Նրա խոսքով, միջադեպը տեղի է ունեցել երեկ երեկոյան Կամենկա գյուղի մերձակայքում: Նրա հետ հրազենային վիրավորում են ստացել եւս երեք ադրբեջանցիներ: Համարվում է, որ նրանք անհայտ կորել են: Նշվում է, որ ադրբեջանցիները գնդակոծության են ենթարկվել, երբ տավարը դուրս են բերել ֆերմերային տնտեսությունից: Սպանության դրդապատճառները հայտնի չեն:-
Բաժանորդագրվեք մեր ալիքին Telegram-ում