Կոտայքի մարզպետը հանդիպել է կյոկուշինկայ կարատեի ազգային ֆեդերացիայի սաների հետ
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Կոտայքի մարզպետ Ա. Հարությունյանը հանդիպել է Հանքավանի «Խոտորջուր» առողջարանում իրենց ամառային հանգիստն ու մարզական պարապմունքներն անցկացնող կյոկուշինկայ կարատեի ազգային ֆեդերացիայի սաների հետ: Ինչպես «Արմենպրես»-ին տեղեկացրին ՀՀ Կոտայքի մարզպետարանի աշխատակազմի տեղեկատվության և հասարակայնության հետ կապերի բաժնից, մինչ պաշտոնական հանդիպումը, Վարդավառի տոնի շրջանականերում պատանի մարզիկների համար Կոտայքի մարզպետի նախաձեռնությամբ կազմակերպվել է մատաղի արարողություն: Վարդավառի ծիսական տոնի խորհուրդը ներկայացրել և մատաղի օրհնության կարգն իրականացրել է Մեղրաձորի Սուրբ Աստվածածին եկեղեցու հոգևոր հովիվ Տեր Հարություն քահանա Ծատուրյանը:
Պատանի մարզիկները Կոտայքի մարզպետին դիմավորել և ողջունել են առողջարանի մարզադաշտում կազմակերպված մարզական ցուցադրական վարժանքով, ներկայացրել կյոկուշինկայ կարատե մարզաձևի` իրենց գիտելիքներն ու հմտությունները:
Կոտայքի մարզպետ Ա. Հարությունյանը զրուցել է պատանի մարզիկների հետ, պատասխանել նրանց հարցերին և քննարկել ֆեդերացիայի հետ շարունակական համագործկացությանը միտված հարցեր:
Բաժանորդագրվեք մեր ալիքին Telegram-ում