Երեւանի օլիմպիական քոլեջում շուտով թեքվոնդոյի սրահ եւ թենիսի մարզահրապարակներ կգործի
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Երեւանի օլիմպիական հերթափոխի պետական քոլեջում գործող մարզակառույցներին շուտով կավելանան նորերը:
Ինչպես «Արմենպրես»-ին տեղեկացրեց քոլեջի խորհրդի նախագահ, Հայաստանի ազգային օլիմպիական կոմիտեի փոխնախագահ Դերենիկ Գաբրիելյանը, ներկայումս արագորեն կառուցվում են եւ շուտով շահագործման կհանձնվեն թեքվոնդոյի համար նախատեսված հատուկ մարզասրահը եւ թենիսի մարզահրապարակներ:
Գաբրիելյանը նշեց , որ քոլեջի կոլեկտիվը, գլխավոր տնօրեն Արմեն Գաբրիելյանի ղեկավարությամբ, նաեւ ընթարիկ վերականգնողական աշխատանքներ Է տանում` հետեւելով քոլեջի բոլոր շենքերի վիճակին:
«Վերջերս մարզական օջախում տեղի ունեցած վթարի հետեւանքներով հետաքրքրվել Է ՀՀ կառավարությունը` համապտասխան աջակցություն ցուցաբերելու համար հնարավորություն գտնելու նպատակով»,- հայտնեց նա:
Բաժանորդագրվեք մեր ալիքին Telegram-ում