Մեկնարկել Է «Սեւանա լիճ 2014» շախմատի միջազգային մրցաշարը
16:02, 28 Հուլիս 2014
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Հայաստանի, Ռուսաստանի, Հնդկաստանի եւ այլ երկրների 10 գրոսմայստերներ մասնակցում են Մարտունիում մեկնարկած «Սեւանա լիճ» շախմատի ավանդական միջազգային մրցաշարին:
Ինչպես տեղեկացնում Է «Արմենպրես»-ը, մասնակիցները հիմնականում երիտասարդ հեռանկարային շախմատիստներ են:
Նրանց թվում են՝ հայաստանցի գրոսմայստերներ Ռոբերտ Հովհաննիսյանը, Զավեն Անդրիասյանը, ռուս մարզիկներ Ալեքսանդր Արեշչենկոն, Վլադիմիր Ֆեդոսեեւը:
Ըստ կանխատեսումների` հենց նրանք Էլ առաջին հերթին կպայքարեն մրցաշարում հաղթանակի հասնելու համար:
Այս մրցաշարը արդեն վաղուց իր ուրույն տեղն Է զբաղեցրել ինչպես Հայաստանի շախմատի ֆեդերացիայի, այնպես Էլ Շախմատի միջազգային ֆեդերացիայի՝ ՖԻԴԵ-ի մարզական օրացույցում:
Բաժանորդագրվեք մեր ալիքին Telegram-ում