Բուենոս Այրեսում տեղի է ունեցել «Նոյ» խմբի համերգը
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Բուենոս Այրեսի Պալերմո թաղամասի «Արմենիա» դահլիճում մի քանի ժամ շարունակ հնչել է հայկական ժողովրդական երաժշտություն` տեղի «Նոյ» խմբի նախաձեռնությամբ: Ինչպես հաղորդում է «Արմենպրես»-ը, վկայակոչելով Prensa Armenia.com-ը, «Նոյ»-ի անդամներից եւ համերգի կազմակերպիչ Առնո Ստեփանյանը նշել է, որ համերգի նպատակը հայկական երաժշտության տարածումն է:
«Նման համերգների առկայությունը հատկապես կարեւոր է երեխաների համար, ովքեր հեռու են Հայաստանից եւ նրանց կապը հայկական մշակույթի հետ ավելի թույլ է»,- ասել է Ստեփանյանը` հավելելով, որ հայկական ժողովրդական երաժշտությունը շատ նման է արգենտինական ֆոլկին, եւ նրանք փորձում են միաձուլել ռիթմերն ու ոճերը եւ ներկայացնել հայկական ժողովրդական ստեղծագործություններ` նոր գործիքավորմամբ:
Բաժանորդագրվեք մեր ալիքին Telegram-ում