Կոլումբիայի նախագահը խնդրել է Պեկերմանին վերադառնալ ազգային հավաքականի գլխավոր մարզչի պաշտոնին
12:26, 26 Հուլիս 2014
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Կոլումբիայի նախագահ Խուան Սանթոսը դիմել է այդ երկրի ֆուտբոլի ազգային հավաքականի արդեն նախկին գլխավոր մարզիչ Խոսե Պեկերմանին` վերադառնալ իր պաշտոնին: Ինչպես տեղեկացնում է «Արմենպրես»-ը , վկայակոչելով ԻՏԱՌ-ՏԱՍՍ գործակալությունը, ֆուտբոլի աշխարհի առաջնությունում Կոլումբիայի հավաքականին հասցնելով մինչեւ մեկ քարորդ եզրափակիչ, որտեղ կոլումբիացները 1:2 հաշվով զիջեցին Բրազիլիայի թիմին, Պեկերմանը նախ արձակուրդ վերցրեց, իսկ այնուհետեւ հայտարարեց իր պաշտոնից հեռանալու ցանկության մասին:
Կոլումբիայի նախագահն անձամբ է դիմել Պեկերմանին` իր այդ որոշումը փոխելու խնդրանքով:
Բաժանորդագրվեք մեր ալիքին Telegram-ում