1000х90.jpg (78 KB)

Երևանում՝ 11:07,   28 Մարտ 2024

Ոչ մրցութային «Նոր ալիք». անցկացվեց Ալլա Պուգաչովային նվիրված երեկո

Ոչ մրցութային «Նոր ալիք». անցկացվեց Ալլա Պուգաչովային նվիրված երեկո

ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: «Նոր ալիք» երիտասարդ կատարողների միջազգային մրցույթի շրջանակներում հուլիսի 25-ին անցկացվեց մրցույթի մուսա Ալլա Պուգաչովային նվիրված հատուկ երեկո: Ռուսական էստրադայի պրիմադոննային նվիրված համերգի ընթացքում շոուբիզնեսի անվանի ներկայացուցիչները կատարեցին Պուգաչովայի երգերը: «Արմենպրես»-ի փոխանցմամբ՝«Ձինտարի» համերգասրահում անցկացված համերգային երեկոն վարեց հաղորդավար, երգիծաբան, Պուգաչովայի ամուսին Մաքսիմ Գալկինը: Հայ ակնդիրը հնարավորություն ստացավ համերգը դիտել «Շանթ» հեռուստաընկերության եթերում:

«Այսօր յուրահատուկ երեկո է, որովհետև այսօր այս դահլիճում, որտեղ ասեղ գցելու տեղ չկա, կհնչեն ձեր սիրելի ՝ Ալլա Պուգաչովայի երգերը: Ուրախ եմ, որ վարում եմ այս երեկոն: Սովորաբար Ալլայի բոլոր ամուսինները պատմում են նրա մասին բաժանումից հետո, իսկ ես սկսել եմ մինչ այդ»,- կես կատակ, կես լուրջ նշեց Մաքսիմ Գալկինը: Գալկինն ամբողջ երեկոյի ընթացքում իր յուրահատուկ հումորներով և զվարճալի պատմություններով հիացրեց բոլորին: Պուգաչովայի համար «Ձինտարի» երգելու էին եկել նրա ընկերներն ու գործընկերները:

Համերգային երեկոն իր ելույթով բացեց Վալերի Մելաձեն: Այնուհետև հանդես եկան Պոլինա Գագարինան, Իգոր Նիկոլաևը , Սերգեյ Լազարևը , Քրիստինա Օրբակայտեն , Լեոնիդ Ագուտինը , Լայմա Վայկուլեն , «A Studio» խումբը , Լոլիտան, Նիկոլայ Բասկովը, Նիկիտա Պրեսնայկովը, Ալսուն, Բորիս Մոիսեևը, Ֆիլիպ Կիրկորովը, Իգոր Կրուտոյը և այլք: Երեկոյի ավարտին բեմ բարձրացավ ինքը` Ալլա Պուգաչովան: Հանդիսատեսը հոտնկայս և անվերջ ծափահարություններով դիմավորեց նրան: Պրիմադոննան ակնդիրների համար մի քանի երգ կատարեց: Պուգաչովան շնորհակալություն հայտնեց բոլոր նրանց, ովքեր աշխատել են իր հետ: Այնուհետև երեկոյի բոլոր մասնակիցները մեկ բեմում հանդես եկան անվանի երգչուհու հետ:

Պրիմադոննան իր երեկոն եզրափակեց «Миллион Алых Роз» երգով: «Շնորհակալություն ձեզ ձեր երկարամյա սիրո համար, շնորհակալություն իմ գործընկերներին, որոնք երկարացրին իմ երգերի կյանքը»,-եզրափակեց Պուգաչովան:

Անվանի երգչուհի Ալլա Պուգաչովան ծնվել է 1949 թվականի ապրիլի 15-ին: Երաժշտությամբ զբաղվել է մանուկ հասակից: Աշխատել է բազմաթիվ երաժշտական խմբերի հետ, այնուհետև հասել փառքի: Միջազգային «Նոր ալիք» մրցույթը կազմակերպվում է ամեն տարի: Առաջին մրցույթը տեղի է ունեցել2002 թվականին Յուրմալայում: Մրցույթի ստեղծման գաղափարը պատկանում է Իգոր Կրուտոյին և Ռայմոնդ Պաուլսին: 2008 թվականից սկսած` ամեն տարի անցկացվում է նաև «Մանկական նոր ալիք»-ը, որի առաջին մրցույթը տեղի է ունեցել նոյեմբերի 28-ին և 29-ին`Մոսկվայում:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]