1000х90.jpg (78 KB)

Երևանում՝ 11:07,   28 Մարտ 2024

Կոտայքի մարզում կկրկնապատկվի ջերմոցային տնտեսությունների թիվը

Կոտայքի մարզում կկրկնապատկվի ջերմոցային տնտեսությունների թիվը

ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Կոտայքի մարզում կառուցված ջերմոցային տնտեսությունները համապատասխանում են միջազգային չափանիշներին և որակյալ արտադրանք են ներմուծում շուկա: Այս մասին «Արմենպրես»-ի հետ զրույցում նշեց Կոտայքի մարզպետ Արամ Հարությունյանը` հավելելով, որ մարզի ջերմատների արտադրանքի 50 տոկոսից ավելին արտահանվում է: «Վերջին տարիներին բավական լավ են զարգացել ջերմոցային տնտեսությունները, որտեղ աճեցվում են տարբեր մշակաբույսեր: Այսօր կարող ենք ուրախությամբ ասել, որ դրանք միջազգային չափանիշներին համապատասխան ջերմոցներ են: Ներկայումս էլ կառուցվում են նոր ջերմոցներ, որոնց շնորհիվ բացվում են նաև նոր աշխատատեղեր: Մարզպետարանը ևս 30-40 հեկտար ջերմոցային տնտեսությունների ստեղծման հայտեր ունի: Եթե, օրինակ, ողջ ընտանիքը աշխատի ջերմոցային մեկ տնտեսությւոնում, նրանց ամսական եկամուտը կարող է կազմել 1 մլն դրամ. դա բավական լավ ցուցանիշ է»,- պարզաբանեց մարզպետը:

Արամ Հարությունյանը հույս հայտնեց, որ կգա ժամանակը, երբ մեծ արտադրողները փոքր տնտեսությունների համար ևս կապահովեն արտահանման կազմակերպումը, ինչը կխթանի փոքր տնտեսությունների զարգացումը:

Կոտայքի մարզպետը խոսեց նաև հացահատիկի սպասվող բերքի մասին` նշելով, որ այս տարվա կարկուտը չի վնասել Կոտայքի մարզի գյուղատնտեսական հողերը: «Մենք այս տարի բնական աղետների պատճառած վնասներից զերծ ենք մնացել, ինչի շնորհիվ այսօր հացահատիկի դաշտերից հնարավոր է լինում ստանալ մեկ հեկտարի հաշվով մինչև 30 ցենտներ ցորեն և գարի»,- ընդգծեց նա:

Կոտայքի մարզում մշակովի ցանքատարածություններն այս տարի ավելացել են 500 հեկտարով: Համայնքում արդեն արտադրվել է 308 տոննա հացահատիկ:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]