Կապանցի բնակարանագողը խոստովանել է հանցանքը
12:24, 25 Հուլիս 2014
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Կապան քաղաքի Սյունիք թաղամասի մի բնակչուհի ոստիկանությունում հուլիսի 24-ին` ժամը 16.45-ին, հաղորդում է տվել, որ նույն օրը` ժամը 07.00-ից մինչև ժամը 13.00-ն ընկած ժամանակահատվածում, դռան փականը վնասելով` իր բնակարանից գողացել են սպասք, կենցաղային այլ իրեր ու պարագաներ` պատճառելով նյութական վնաս: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, ձեռնարկված օպերատիվ-հետախուզական միջոցառումների շնորհիվ պարզվել է, որ գողությունը կատարել է 1971թ. ծնված Գարիկ Մ.-ն, որը բերման է ենթարկվել և խոստովանել հանցանքը: Գողոնը հայտնաբերվել է: Կատարվում է նախաքննություն:
Բաժանորդագրվեք մեր ալիքին Telegram-ում