Հանքավանի «Զեփյուռ» մանկական ճամբարում կազմակերպվել են առաջին բուժօգնության դասընթացներ
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: ՀՀ ԱԻ նախարարությունը Կոտայքի մարզում գտնվող Հանքավանի «Զեփյուռ» մանկական ճամբարում ամառային հանգիստն անցկացնող երեխաների համար հուլիսի 14-15-ը կազմակերպել է առաջին բուժօգնության դասընթացներ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դասերը վարել են ՀՀ ԱԻՆ ՓԾ բժշկական ապահովման վարչության պետ, փ/ծ գնդապետ Կարեն Աթոյանը, նույն վարչության աղետների բժշկության բաժնի պետ Նունե Ադամյանը և Աղետների բժշկության տարածաշրջանային կենտրոնի առաջին բժշկական օգնության բաժնի ավագ հրահանգիչ Հերմինե Նավասարդյանը: Երկօրյա դասընթացին մասնակցել է 370 երեխա:
Երեխաներն ակտիվ են եղել դասընթացների թե տեսական, թե գործնական պարապմունքներին ու մեծ հետաքրքրություն են ցուցաբերել մատուցվող նյութերի, առաջին բուժօգնության կազմակերպման և ցուցաբերման հարցերի նկատմամբ:
Բաժանորդագրվեք մեր ալիքին Telegram-ում